La cuarta xornada del SISGA, va tener llugar el sábadu 28 de setiembre, n’horariu de 12 a 21 hores, y va rializase na Colexata San Xuan Bautista y patiu del Palaciu Revillaxixéu.

En dicha Tastia Abierta’l públicu va poder tastiase en meses o stands dimpuestos con esi envís -al empar que se recibe información tantu sobro los productos como sobro los llagares- les sidres participantes nel SISGA, asina como productos venceyaos bien a l’alta gastronomía, a la sidre puramente, o col seutor del equipamientu, tollo enartao de forma que non solo non difumine’l protagonismu de la sidre, sinón que lu dote de credibilidá y lu potencie al asitialu nun contestu profesional distinguíu.

A lo llargo la xornada van dir realizándose estremaes tasties guiaes y presentaciones de productos, pa participar nes cuales va ser preciso acreditar la participación unviando’l siguiente formulariu, y confirmando con un mínimu de 15 minutos d’antemanamientu’l mesmu díi na recepción.

FORMULARIU

PROGRAMA DE TASTIES

 

VER SEMEYES DE LA TASTIA ABIERTA AL PÚBLICU DEL SISGA’18