Por qué ye interesante la participación nel Salón Internacional de les Sidres de Gala (SISGA)

Amás de los evidentes beneficios que supon la internacionalización de la sidra nesti mundiu tan global y del so productu en concretu, d’intercambiar  esperiencies y valoraciones con otros productores y profesionales del seutor, y de la interesante invitación cola que se facilita la so participación nel mesmu, el Salón Internacional de les Sidres de Gala, un de los principales eventos internacionales d’estes carauterístiques, tien otros atractivos que queremos destacar:

  • Esta ye yá la novena edición del Salón, polo que se trata d’un certame consolidáu qu’añu ente añu va ameyorando nos aspeutos organizativos y xorreciendo en participación.
  • Ye’l principal certame de sidre, sinón l’únicu, que tien por oxetu la promoción de la sidra nel mundiu de la gastronomía d’altu nivel, como bébora noble que ye.
  • Nesi sen, ufierta a los participantes la oportunidá d’esfrutar d’una Cena Gala ellaborada por xefs de primera categoría, con platos convenientemente harmonizaos con sidres de too el mundu.
    • Posibilidá de llograr distinciones pol productu presentáu. Los afamaos Premios SISGA son de reconocíu prestixu ya independencia, al ser concedíos por un xuráu internacional del que formen parte los mesmos llagares participantes.
      Amás, les sidres premiaes son oxetu de promoción presentándose tamién n’estremaos certámes nacionales ya internacionales, asina como en resouranes de calidá contrastao.
  • Importante puntu d’alcuentru de profesionales nel SISGA, tantu del seutor de la hostelería como mediáticu y comercial, siendo de destacar qu’una de les poques empreses especializaes n’importación/esportación de sidre tien la so see en Xixón, y participa viviegamente nel eventu.
  • Per too ello, supon una meyora na internacionalización del productu en sí, y nel intercambiu de proyeutos y esperiencies directamente con profesionales de los distintos llagares participantes d’estremaos países.
  • Amplia cobertoria informativa, tantu pelos medios de comunicación llocales, como per medios especializaos, destacando especialmente la plataforma de comunicación LA SIDRA: espublización mensual, páxina ueb billingüe, redes sociales.., ensin dulda ente les más importantes del mundu nel seutor. Concretamente dicha plataforma cunta con:
    • Revista LA SIDRA, espublización mensual con una tirada de 6.000 exemplares que dedica dos númberos especiales a esti eventu con ampliu reportaxe y que demientres tol añu dedica espaciu nes sos páxines a les sidres y llagares participantes nel SISGA. Esta revista acaba de cellebrar les sos selce años d’esistencia con 186 númberos espublizaos.
    • lasidra.as cunta con edición billingüe asturianu/inglés y atópase asitiada ente les más visitaes del mundiu. Esta ueb dedica especial cobertoria al eventu, y al igual que la revista LA SIDRA, caltien una atención costante a les sidres y llagares participantes.
    • Redes Sociales como facebook, twitter, instagram… con decenes de miles de siguidores.
  • Posibilidá de vienta directa del productu al públicu asistente na xornada de cata abierta y de comercializar la sidra sobrante de la so participación nel SISGA al traviés de la nuesa tienda virtual www.lasidra.as/tienda
  • Contautu directu con profesionales de la información especializaos nesti campu.
  • Posibilidá de conocer de primer man Asturies, el país de la sidre, onde la sidre foi declarada bébora oficial en bona parte de los conceyos, y que cunta con:
    • Produición que supera los 100 millones de llitros de sidra añal.
    • Alrodiu de 100 llagares industriales y cientos de llagares artesanos
    • Consumu mediu de sidra per presona y añu que supera los 40 llitros, y que nel casu de Xixón, llega a los 65 l.
    • Decenes d’eventos añales que tienen a la sidre como protagonista.
  • Posibilidá de participar viviegamente na cultura asturiana de la sidra, declarada Bien d’Interés Cultural pol gobiernu asturianu y en trámites de ser declarada pola UNESCO Patrimoniu Inmaterial de la Humanidá.

 

CONDICIONES DE PARTICIPACIÓN YA ISCRIPCIÓN

 

Más información de la postrer edición: