La Cena Gala cellebraráse na tercer xornada, el vienres 27 de setiembre, y va consistir n’una cena gourmet que se va realizar en Xixón nel prestixosu restorán Amares-NH.

Va escomenzar con un aperitivu-degustación de sidres, en función de les sos carauterístiques organoléptiques y dimpuestes en stands estremaos pa facilitar la interaición a los asistentes.

De siguío va tener llugar puramente la Cena Gala, compuesta por dellos platos propuestos para la so harmonización coles sidres presentaes, con especial atención a aquelles que resultaron ganaores de los Premios SISGA. Pa esta Cena Gala presentaráse un menú especialmente diseñáu  pa la ocasión, y con ca platu propondráse l’harmonización con dos o trés tribes de sidra, de tala miente que resalte les sos propiedaes.

Con esta Cena Gala queremos poner de manifiestu cómo la sidre, en cualisquier de les sos variedaes, marida con toa triba platos, potenciándolos en tolos sos aspeutos y  pudiendo ser sirvíes con sobráu méritu y calidá en cualisquier marcu de gran ellegancia y distinción, como nel que ta escurriendo la cena, evidenciando que ye dafechu afayaíza pa tou tipu d’eventos públicos y privaos.

Esta Cena Gala ye en sigo mesma una Xornada Téunica a la que van allegar representantes istitucionales, profesionales del mundiu la hostelería, distribuidores, representantes d’entidaes financieres, gastrónomos y prensa especializao –amás, llóxicamente, de los mesmos llagareros- distribuyéndose en meses con un orde de protocolu de manera qu’en caúna d’elles atópese siquier un representante de ca seutor, pa facilitar asina l’aniciu de contautos y sinerxes, tal que vinimos realizando n’ediciones anteriores, con escelentes resultaos práuticos fasta la fecha.

Ye más, dispondráse d’un planu de situación cola distribuición de los estremaos participantes, y l’organización va disponer de presonal participante nel eventu cuyu cometíu principal ye ocupase de poner en contautu aquellos profesionales que, o bien demándenlo direutamente, o bien considérese que pue ser d’utilidá pa dambos, dientru d’una dinámica de anfitriones múltiples, conoceores de les carauterístiques, intereses y demandes de los participantes, lo mesmo que de les posibilidaes qu’ufierta tantu’l SISGA como la mesma Fundación Asturies XXI.

De xacíu, va procurase que l’eventu tenga la mayor repercusión posible, tantu a nivel mediáticu como nel alrodiu de la hostelería, de forma que esta triba sidres, en munchos casos pocu conocíes o resalvaos, ocupen el llugar protagonista que-yos correspuende.

 

VER SEMEYES DE LA CENA GALA DE LA EDICIÓN SISGA’18